Aklat

 (Tradisyonal na Tula)

Tila lahat ay uhaw sa kaalaman

Mga bagay-bagay dapat matutunan

Ngunit paano ito matatamasa

Kung ang lahat ay nawalan ng pag-asa

Na buksan ang aklat para sa pagbasa

 

Isang aklat ay puno ng karunungan

Maituturing ito na kayamanan

Napapalawak nito ang pagkatuto

Ito ay parang naglalahad ng kwento

Nagdudulot ng positibong epekto

 

Marahil, nawawala ang mga aklat

Ang teknolohiya ngayon ay umangat

Unti-unting nang nawawala ang bisa

Mga aklat ay parang bang nagdudusa

Iilan lang talaga ang nagbabasa

 

Kabataan ay babad sa telebisyon

Kinalimutan ang aklat ng kahapon

Ang aklat ay huwag dapat maitapon

Bawat pahina, hatid ay pagkatuto

Tunay na magagamit ito ng husto

 

Nawa’y, bawat aklat ay pahalagahan

Simbolo ng liwanag at kasiyahan

Magagamit ito sa kahit saan man

Isa pa, hindi ito mapapalitan

Ang aklat ay mahalagang kasangkapan

Comments

Popular posts from this blog